исраилийә әскәрлири ғәрбий қирғақта үч пәләстинлик йашни етивәтти
исраилийә әскәрлириниң ишғалийәт астидики ғәрбий қирғақ (ийордан дәрйасиниң ғәрбий қирғиқи)ниң һәрқайси шәһәрлиридики һуҗумлирида иккиси кичик бала болуп, җәмий үч пәләстинлик өлтүрүлди.
2059581
түркийә авази радийоси хәвири: пәләстин сәһийә министирлиқи йазма байанат елан қилип, исраилийә әскәрлириниң ғәрбий қирғақниң қалқилийа шәһиридә 14 йашлиқ бир пәләстинликни етивәткәнликини, икки пәләстинликни йариландурғанлиқини уқтурди.
министирлиқниң байанатида йәнә, әлбирә шәһиридә 19, наблуста 14 йашлиқ икки пәләстинлик йашниң исраилийә әскәрлириниң оқида һайатидин айрилғанлиқи қәйт қилинди.
7 – өктәбирдин буйан ишғалийәт астидики ғәрқий қирғақта йәһудий көчмәнләр тәрипидин өлтүрүлгән пәләстинликләр сани 133 кә йәтти.
исраилийә армийәси ишғалийәт астидики ғәрбий қирғақ вә шәрқий қуддуста кәм дегәндә 65 пәләстинликни қолға алди.
7 – өктәбирдин буйан қолға елинған пәләстинликләр сани 1900 ға йәтти.
