kichik balilarni bombardiman qilish özini qoghdash emes
gorazdé shehiride, «kichik balilarni bombardiman qilish özini qoghdash emes» nami astida, pelestinliklerni qollash yighilishi ötküzüldi.
türkiye awazi radyosi xewiri: tünügün (2023-yili 1-noyabir) bosniye - gértségowinaning gorazdé shehirige jaylashqan eliya izzetbégowich köwrükide pelestin xelqini qollash yighilishi ötküzüldi.
yighilishqa qatnashquchilar urushning we balilarni öltürüshning derhal toxtitilishni hemde israiliyening ilgiriki jinayetliri sewebidin jazagha tartilishi kéreklikini telep qildi.
yighilishni teshkilligüchi, bosniye-gértségowina parlaménti ezasi dézbrayil bajramowich: «pelestin xelqi we dunyaning herqaysi jaylirida azab chékiwatqan shundaqla térrorluqning ziyankeshlikige uchrighan barliq kishiler duch kelgen barliq qiyinchiliqlarning axirlishishini ümid qilimen. ghezzede yüz bériwatqan ishlar tesadipiyliq emes. 75 yildin buyan ghezze dunya boyiche eng chong jaza lagérliridin biri bolup keldi» dédi.
pelestinning bash elchisi rezaq namoramu pelestin xelqige wakaliten yighilishqa qatnashqanlargha salimini yetküzdi we bosniye-gértségowina xelqining shundaqla pütkül dunya puqralirining pelestinliklerni qollighanliqidin iptixarlinidighanliqini hemde minnetdarliqini bildürdi.
yighilishgha qatnqanlarning qolliridiki «kichk balilarni bombardiman qilish özini qoghdash emes» , «bir kichik balini öltürüshning bahanisi bolmaydu», «bu irqiy qirghinchiliqtur!», «pelestin choqum erkinke érishidu» dep shoarlar yézilghan lozunkilardiki uchurlar hemmining diqqitini tartti.
hamasning herbiy qaniti qassam birigadiliri 7-öktebir (2023) de israiliyege «eqsa topani» namliq keng kölemlik hujum qozghighanliqini élan qilghan we buninggha qarita israiliyemu urush ayropilanliri bilen ghezze rayonigha qarshi «tömür qilich herikiti» ni bashlighanliqini jakarlighan idi.
ghezzediki pelestin sehiye ministirliqi, israiliyening wehshiyane hujumlirida 3648 kichik bala we 2290 ayalni qoshqanda jemiy 8796 pelestinlikning jénidin ayrilghanliqini we 22 ming 219 pelestinlikning yarilanghanliqini élan qilghan idi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.