jo baydin bényamin nétanyahu bilen téléfonda körüshti

türkiye awazi radyosi xewiri: aqsarayning bayanatigha asaslanghanda, baydin söhbette hamasning qolidiki ikki tutqunning qoyup bérilgenlikidin memnun bolghanliqini bildürgen.

baydin amérika puqraliri qatarliq ghezzediki barliq tutqunlarning rayondin bixeter ayrilishigha kapaletlik qilish üchün tirishidighanliqini yene bir qétim tekitligen.

baydén ghezzege insanperwerlik yardimi kirishining dawamlishshi kéreklikini tekitlep, nétanyahugha amérikaning israiliyeni herbiy jehettin qandaq qollighanliqi heqqide  melumat bergen.

amérika dölet mudapie ministiri loyid ostinmu israiliyelik mensepdishi yow gallant bilen téléfonda körüshti.

ostin söhbette ghezzege insanperwerlik yardemlirining éqishi we u yerdiki puqralarni qoghdashning muhimliqini tekitlidi.

ikki ministir yene amérikaning israiliyege qarita dawamlishiwatqan qollashlirini muzakire qildi.

hamasning herbiy qaniti qassam birigadisi 7-öktebirde israiliyege «aqsa tufani» namliq keng kölemlik hujum bashlighanliqini élan qilghan we ghezzedin israiliyege minglighan rakétamiyot étilghandin sirt qoralliq guruppilar olturaq rayonlarghiche bésip kirgen idi.

israiliye armiyesimu urush ayropilanliri bilen ghezze rayonigha qarshi tömür qilich herikitini qozghighanliqini élan qilghan idi.

künséri keskinleshken tuqutushta ikki tereptin minglighan kishi qaza qildi.