хитай парахотлири флиппин парахотиға соқулди
флиппин деңизидики талаш-тартишлиқ деңиз тәвәликидә хитай парахотлириниң флиппин парахотлириға қәстән соқулғанлиқи билдүрүлди.
түркийә авази радйоси хәвири: флиппин хитай деңиз қирғиқи муһапизәт әтритиниң бир парахоти вә «хәлқ әскәрлири парахоти» ниң, филиппин деңизидики талаш-тартишлиқ деңиз тәвәликиниң җәнубида филиппин деңиз саһили муһапизәт әтрити парахоти вә филиппин деңиз армийәсиниң тәминләш парахотиға қәстән соқулғанлиқини билдүрди.
ғәрбий флиппин деңизи дөләтлик хизмәт әтрити (NTF-WPS) ниң байанатида, соқулуш вәқәсиниң спратл арилиға йеқин иккинчи томас районида йүз бәргәнлики билдүрүлди.
байанатта, хитай деңиз қирғиқи муһапизәт әтритиниң парахоти билән «хәлқ әскәрлири парахоти» ниң флиппин деңиз қирғиқи муһапизәт әтрити парахоти вә тәминләш парахоти билән соқулғанлиқи һәққидики байанатида, соқулушниң «флиппинниң игилик һоқуқиға дәхли-тәруз қилғанлиқ» икәнлики билдүрүлди.
бу қетимқи соқулуш «күчлүк» әйибләнгән байанатта, хитай деңиз қирғиқи муһапизәт әтрити парахотиниң «хәтәрлик, мәсулийәтсиз вә қанунсиз» һәрикәтлириниң, филиппин парахот хадимлириниң бихәтәрликигә зийан йәткүзгәнлики оттуриға қойулди.
американиң манилада турушлуқ баш әлчиси марийкай карилсонму X иҗтимаий алақә суписида елан қилған байанатида, американиң хитайниң мәзкур һәрикитини «әйибләйдиғанлиқи» ни билдүрди.
хитай деңиз қирғиқи муһапизәт әтритиниң 6-авғуст (2023) та районға йеқинлишиватқан флиппинниң тәминләш парахотиға йуқири бесимлиқ су чечиши, икки дөләт оттурисидики зиддийәтни күчәйтивәткән иди.
флиппин 4-өктәбирдә хитай деңиз қирғиқи муһапизәт әтрити парахотиниң тосалғулириға қаримай, хитай парахотлири тәрипидин шәкилләндүрүлгән муһасирини босуп чиқип, райондики филиппин қисимлириға тәминат буйумлирини йәткүзүп беришни әмәлгә ашурғанлиқини елан қилған иди.
