israiliye bergen möhliti toshishi bilen teng ghezzeni wehshilerche bombardiman qilishni bashlidi

türkiye awazi radyosi xewiri: israiliye bergen möhlet shu yerning waqti chüshtin kéyin saet 16:00 de toshishi bilen teng, ghezze chégrasida bomba awazliri anglinishqa bashlandi.

israiliye xelqaraning naraziliqlirigha pisent qilmastin, ghezze rayonining shimalida yashaydighan puqralargha shu yerning waqti 16:00 giche öylirini bikar qilip, rayonning jenubigha köchüp kétishke mühlet bergen idi.

2 milyondin artuq kishi qapsilip qalghan ghezzede, israiliyening quruqluq herikitining chong pajielerni keltürüp chiqirishidin endishe qilinmaqta.  

ghezzege quruqluq herikiti bashlash üchün teyyarliq qiliwatqan israiliye qisimliri chégragha yéqin sdérot shehirige tanka we bronéwiklarni toplimaqta.

hamasning herbiy qaniti qasssam  birigadisi 7-öktebirde israiliyege «aqsa tufani» namliq keng kölemlik hujum bashlighanliqini élan qilghan we ghezzedin israiliyege minglighan rakétamiyot atqandin bashqa yene, qoralliq guruppilar rayondiki olturaq rayonlargha bésip kirgen idi.

israiliye qisimlirimu urush ayropilani bilen ghezze rayonigha qarshi «tömür qilich» herikitini bashlighanliqini élan qilghan idi.

künséri keskinlishiwatqan toqunushta her ikki tereptin minglighan kishi jénidin ayrildi.