германийәдә теги түрк бәш киши өлкилик парламент әзалиқиға сайланди

түркийә авази радийоси хәвири: техи муәййәнләшмигән нәтиҗиләргә асасланғанда, хесен өлкисидә сотсийал демократлар партийәсидин турғут йүксәл вә әркин демократлар партийәсидин йанки пүрсүн, баварийә өлкисдә болса, йешиллар партийәсидин җамал бозооғлу вә гүлсәрән дәмирәл һәмдә сотсийал демократлар партийәсидин ариф ташдәлән өлкилик парламентиниң әзаси болуш һоқуқиға еришкән.

хиристийан демократик бирләшмиси партийәси хесендә  %34.6, баварийә өлкисидә %37 беләткә еришип сайламда биринчи партийә болған.

һәр икки өлкидә әң чоң илгиирләшни оңчил германийә партийәси (AfD) қолға кәлтүргән.

оңчил германийә партийәси баварийәдә авазға еришиш нисбитини  алдинқи сайламға селиштурғанда %4.4 ашуруш арқилиқ %14.6 беләткә еришип, үчинчи партийәгә айланған.

оңчил германийә партийәси хесендә авазға еришиш нисбитини  алдинқи сайламаға селиштурғанда %5.3 ашуруш арқилиқ %18.4 беләткә еришип, иккинчи партийәгә айланған.

германийә баш министири олаф шолз әза болған сотсийал демократлар партийәси, бәш йил илгирики сайламға селиштурғанда хесенда %3.8 вә баварийәдә %1.2 аваздин айрилип қалған.

сол партийә һәр икки өлкидә парламентқа кирәлмигән.