israiliye urush ayropilanlirining ghezzege qilghan kéchidiki hujumida  24 kishi qaza qildi

türkiye awazi radyosi xewiri: ghezzediki doxturxana we bixeterlik menbeliridin igilengen uchurlargha asaslanghanda, ghezzening misir chégrasigha yéqin refah shehiridiki ebu hilal jemetining öyige israiliye urush ayropilanliri qilghan hawa hujumida, ailidin 18 kishi qaza qilghan, bezi yarilanghanlarmu bolghan.

sheherning beyt laxye rayonidiki bezi aile qoroliri hawadin bombardiman qilinghan, netijide  bir kishi qaza qilip, 20 din artuq kishi yarilanghan.

xan yunus shehiridiki ebul emreyin ailisige tewe öymu israiliye urush ayropilanidin étilghan rakétaning hujumigha uchrap, besh kishi jénidin ayrilghan, nurghun kishi yarilanghan.

israiliye urush ayropilanliri yene ghezzening sherqidiki shujaiyye rayonida, hamas herikitining qurghuchiliridin biri bolghan we siyasiy béyro ezasi rahwi mushtehaning öyige hawadin hujum qilghan.

kechte küchlük hawa hujumi élip bérilghan, bombardiman sheherning nurghun jaylirida toxtimay dawamlashqan.

israiliye qisimliri ghezzege hawa hujumini dawamlashturmaqta. ghezzediki qarshiliq guruppilirimu rakéta bilen jawab qayturmaqta.

israiliye qisimliri ghezzege hawadin hujum qilghandin bashqa yene, gherbiy qirghaqtiki hujumlirinimu kücheytti.

pelestin sehiye ministirliqining bayanatida, israiliye qisimlirining shenbe küni (7- öktebir) din buyan quddusnimu öz ichige alghan halda gherbiy qirghaqtiki sheher we nahiyelerni, el xelil ramallah, eriha, nablus we qalqiliyede élip barghan hujumlirida jemiy 14 pelestinlikning qaza qilghanliqi bildürüldi.