amérika: biz qarabaghning insanperwerlik weziyitige köngül bölmektimiz

türkiye awazi radiyosi xewiri: amérika aqsaray dölet bixeterlik kéngishining istratégiyelik alaqe maslashturghuchisi jon kirbi, erméniyege köchüp kelgen qarabaghning sabiq ahalilirini deslepte qedemde «11 milyon dollarliq insanperwerlik yardimi» bilen teminligenliklirini bildürdi.

amérikaning bir etritining yardem ishlirini teshkillishi  üchün rayongha orunlashturulghanliqi toghrisidiki uchurlarni ortaqlashqan kirbi: «qisqisi, biz asasliqi insanperwerlik weziyitige merkezleshmektimiz we pütün küchimiz bilen azab- oqubetni peseytishke tirishiwatimiz» dédi.

amérika tashqi ishlar ministirliqi muawin bayanatchisi wédant patél, qarabagh üchün «uzun muddetlik, musteqil xelqaraliq nazaret qilish guruppisi» teshkilleshning zörürlükini tilgha aldi.

birleshken döletler teshkilati (b d t) wekiller ömikining «qarabaghda puqralarning nachar muamilige uchrimighanliqi, déhqanchiliq, charwa mal we ul eslihelerning ziyangha uchrimighanliqi» toghrisidiki yekünidin xushal bolghanliqlirini bildürgen muawin bayanatchi: «b d t ning sözlirining amérikaning köz qarishini özgertmeydighanliqini, qarabaghda téximu uzun muddetlik, musteqil xelqaraliq nazaret qilish guruppisi teshkilleshning küchlük bir istek we éhtiyaj ikenlikige ishinishni dawamlashturidighanliqi»ni qeyt qildi.

b d t bayanatchisi stifan dujarrik kündilik muxbirlarni kütüwélish yighinida, ezerbeyjanning teklipige binaen rayongha barghan b d t wekiller ömikining lachin chégra tekshürüsh ponkiti we xankendi shehiride tekshürüsh élip barghanliqini eskertip: «wekiller ömiki ermen puqralirigha zorawanliq qilinghanliqigha dair ispatlarni uchratmighanliqini we rayondiki puqralar ul eslihelirining zerbe obyékti qilinmighanliqini körgenlikini doklat qildi» dégenidi.