b d t heyiti: qarabaghdiki ermenlerning ziyankeshlikke uchrighanliqigha dair pakitlarni bayqimiduq
birleshken döletler teshkilati (b d t), qarabaghqa barghan b d t wekiller ömikining ermen ahalilirige zorawanliq qilinghanliqigha dair ispatlarni uchratmighanliqi we rayondiki memuriy ul- eslihelerning zerbe obyékti qilinmighanliqini körgenlikini bildürdi.
türkiye awazi radiyosi xewiri: b d t bayanatchisi istéfan dujarrik ezerbeyjan hökümitining teklipige binaen, hepte axirida qarabaghqa yétip bérip, emeliy weziyetni közdin kechürgen b d t wekiller ömikining ziyariti heqqide melumat berdi.
wekiller ömikining rayondiki insaniy éhtiyajlarni éniqlashqa urunghanliqini bildürgen dujarrik, wekiller ömiki ezalirining dunya sehiye teshkilati, b d t balilar fondi, b d t musapirlar aliy komissarliqi we b d t insanperwerlik ishlirini maslashturush ishxanisi xadimliridin terkib tapqanliqini bildürdi.
dujarrik wekiller ömikining lachin chégra tekshürüsh ponkiti we xankendi shehiride tekshürüsh élip barghanliqini eskertip: «wekiller ömiki özlirining ermen puqralirigha qaritilghan zorawanliq ispatini tapalmighanliqi we rayondiki puqralar ul- eslihelirining zerbe obyékti qilinmighanliqini körgenlikini doklat qildi» dédi.
doxturxanilar, mektepler, öy - makanlar, diniy we medeniyet merkezlirining hujum nishani qilinmighanliqini, ezerbeyjan hökümitining üzlüksiz saghlamliq mulazimiti bilen teminlesh üchün küch chiqiriwatqanliqini bildürgen dujarrik, déhqanchiliq rayonliri we haywanlarningmu ziyangha uchrimighanliqi bayqaldi, dédi.
u wekiller ömikining rayondiki ermen ahalisining wekilliri bilenmu körüshkenlikini qeyt qildi.
dujarrik rayonning bixeterlikini eslige keltürüshning muhimliqini tekitlep, herqaysi tereplerning buning üchün küch chiqirishi kéreklikini sözlirige ilawe qildi.
