b d t heyiti qarabaghda
birleshken döletler teshkilati heyiti ezerbeyjanning qarabagh rayonigha yétip bérip tekshürüsh élip bardi.
türkiye awazi radiyosi xewiri: birleshken döletler teshkilati heyiti aghdam-xankendi yoli arqiliq qarabagh rayonigha yétip barghandin kéyin, lachin chégra mudapie tekshürüsh ponkitida we xankéndi shehiride tekshürüshlerde boldi.
igilinishiche, bu b d t heyitining aridin texminen 30 yil ötkendin kéyin rayonda tunji qétim ziyarette bolushi hésablinidiken.
ezerbeyjan tashqi ishlar ministirliqining bayanatchisi ayxan hajizade ezerbeyjan armiyesining térrorizmgha qarshi küresh herikitidin kéyin, rayonning weziyitini közitishi üchün b d t ning munasiwetlik organlirining wekilliridin teshkil tapqan bir heyetni ezerbeyjangha teklip qilghanliqlirini uqturghanidi.
u yene b d t heyitining ezerbeyjanning rayondiki insanperwerlik paaliyetliri, ul eslihe xizmetliri, qanunsiz erméniye qisimlirining qoralsizlinish jeryani we mina xewpini közitidighanliqinimu sözlirige ilawe qilghanidi.
