b d t qarabaghqa wekiller ömiki ewetishni qarar qildi
birleshken döletler teshkilati (b d t) ezerbeyjan hökümitining teklipige binaen ermeni ishghaliyitidin azad qilinghan qarabaghqa wekiller ömiki ewetidighanliqini élan qildi.
türkiye awazi radiyosi xewiri: b d t bayanatchisi stéfan dujarrik kündilik muxbirlarni kütüwélish yighinida, b d t insanperwerlik ishlirini maslashturush ishxanisi wekillirining hepte axirida rayongha bérip, neq meydandiki emeliy ehwalni közdin kechüridighanliqini bildürdi.
dujarrik ziyaretning asasliq muddiasining rayondiki kishilerning éhtiyajini éniqlap chiqish ikenlikini otturigha qoydi.
ezerbeyjan hökümitining az sanliq milletlerning hoquqigha hörmet qilidighanliqi toghrisidiki bayanatidin xewerdar ikenlikini bildürgen dujarrik, b d t ning 30 yildin buyan (erméniye ishghaliyiti mezgilide) bu rayongha kirelmigenlikini, shunga wekiller ömikining bu ziyaritining muhimliqini tekitlidi.
«b d t wekiller ömikining ezerbeyjan hökümitining toluq qollishi we teklipi bilen qarabaghqa baridighanliqi»gha isharet qilip ötken dujarrik, bu rayongha néme üchün kirelmigenlikliri toghrisidiki bir soalgha «intayin murekkep we sezgür jughrapiyelik siyasiy sewebler tüpeylidin» dep jawab berdi.
