péskow: amérikaning qarabaghqa xelqaraliq qisimlarni ewetidighanliqining konkért qedemlirini körmiduq
rusiye pirézidéntliq mehkimisi — kirémil bayanatchisi dimiriy péskow amérika qoshma ishtatlirining qarabaghqa wezipe ötesh qisimliri ewetmekchi bolghanliqi toghrisida héchqandaq konkrét amillarni körmigenliklirini bildürdi.
türkiye awazi radiyosi xewiri: péskow paytext moskwada amérika tashqi ishlar ministirliqi bayanatchisi matéw millérning «qarabaghda xelqaraliq wezipe ötesh qisimliri bolushi kérek, biz bu mesilide ittipaqdashlirimiz bilen hemkarlishiwatimiz» dégen sözlirige baha berdi.
u qarabaghda wezipe ötesh qisimliri teyinlesh üchün ezerbeyjanning testiqini élish kéreklikini tekitlep: «biz hazirche bu mesilige alaqidar konkrét birer ehwalni körmiduq. her qandaq bir wezipe ötesh qisimliri peqet ezerbeyjan terepning maqulluqini alghandila mumkin bolidu» dédi.
péskow rusiyening qarabagh musapiside amérika qoshma ishtatlirining eksiche konkrét orun élip kelgenlikini eskertip: «rusiyening qarabagh musapisi bilen bolghan alaqe we bizning uninggha arilishish derijimizni amérika bilen sélishturush mumkin emes. bu nuqtini bizning qarabagh musapisidiki aghzaki emes, emeliy herikitimiz heqqidimu déyishke bolidu. buni sélishturghili bolmaydu» dégenlerni qeyt qildi.
bayanatchi péskow yene, rusiye tinchliq saqlash qisimlirining rayonda muhim rol oynighanliqini we buning dawamlishidighanliqini sözlirige ilawe qildi.
