zélénskiy amérika qoshma ishtatlirida ziyarette bolidu
ukraina pirézidénti wolodimir zélénskiy amérika qoshma ishtatlirining nyu york shehiride chaqirilidighan birleshken döletler teshkilati omumiy kéngishi yighinidin kéyin aqsaray we dölet mejlisini ziyaret qilidu.
türkiye awazi radiyosi xewiri: ismini ashkarilashni xalimighan amérika emeldarlirining bildürüshiche, ukraina pirézidénti wolodimir zélénskiy kéler hepte amérika qoshma ishtatlirining nyu york shehiride chaqirilidighan birleshken döletler teshkilati omumiy kéngishi yighinigha qatnashqandin kéyinmu, aqsaray we dölet mejlisini ziyaret qilidiken.
zélénskiy kéler hepte peyshenbe küni amérika qoshma ishtatliri pirézidénti jo baydin bilen aqsarayda bir yerge jem bolidiken.
amérika dölet mejliside ukrainagha yene 21 milyard dollarliq qoshumche yardem bérish pilani muzakire qilinmaqta iken. dölet mejlisidiki bir qisim jumhuriyetchiler ukrainagha bériliwatqan yardemlerni toxtitish we fédératsiye xamchotida chiqimni azaytish kéreklikini ilgiri sürmekte iken.
ukraina pirézidénti wolodimir zélénskiy 2022-yili 12-ayda washingtongha qilghan ziyariti jeryanida dölet mejlisige xitab qilip, amérika qoshma ishtatlirining ukrainagha bériwatqan yardemlirining «iane» emes, belki «dunyaning bixeterliki we démokratiye» ge meblegh sélish ikenlikini otturigha qoyghanidi.
