украинада икки тик учар чүшүп кетип алтә учқучи қаза қилди
украинаниң донетсик районида, украина армийәсигә тәвә икки «Mi-8» типлиқ тик учар айропилани чүшүп кетиш нәтиҗисидә, алтә учқучи җенидин айрилди.
түркийә авази радийоси хәвири: украина армийәси шәрқий қисимлар гурупписиниң ахбарат мулазимәт бөлүми башлиқи илйа йевлаш украина дөләтлик ахбарат агентлиқиға (UNN) ға бәргән байанатида, донетсик райониға қарашлиқ краматерск шәһиридә украинаға тәвә икки тик учарниң һадисигә йолуққанлиқини билдүрди.
йевлаш тик учар айропиланлириниң уруш вәзиписини иҗра қиливатқанда чүшүп кәткәнликини әскәртип: «улар краматерск районида уруш вәзиписини иҗра қиливатқанда, дүшмәнниң <Su-35> типлиқ айропилани учқан болуп, дүшмән айропиланиниң һуҗумиға учримаслиқи үчүн қонушқа мәҗбур болған. шу чәрйанда немә болғанлиқи комитет тәрипидин тәкшүрүлмәктә. башқурулидиған бомба тәгдиму йаки башқа бир хатаму? зади немә иш болғанлиқи вә сәвәблири тәкшүрүлмәктә» деди.
йевлаш бу һадисидә алтә учқучиниң җенидин айрилғанлиқини уқтурди.
йәрлик таратқуларниң хәвиридә, вәқәниң 29-авғуст (2023) та йүз бәргәнлики билдүрүлди.
