wolodimir zélénskiy daniyede ziyarette boldi
ukraina pirézidénti wolodimir zélénskiy daniye parlamént ezalirining «rusiyening ishghaliyitige qarshi küreshte» ukrainagha yardem qilghanliqi üchün rehmet éytti.
türkiye awazi radyosi xewiri: pirézidént zélénskiy daniye paytexti kopénhagénda parlamént ezalirigha sözligen nutuqida: «eger ukraina (rusiyege qarshi) ghelibe qilalmisa, rosiyege qoshna barliq döletler tehdit astida qalidu» dédi.
zélénskiy ukrainani «zomigerlik» ke qarshi gherbning erkinlik we démokratiye qimmet qarishini qoghdaydighan dölet dep teriplidi we rusiyening chong herbiy küchini dölettin qoghlap chiqirish üchün ukrainaning yéterlik derijide qorallandurulushi kéreklikini tekitlidi.
daniye töt aydin alte ayghiche dawamlishidighan uchquchilarni terbiyelesh xizmiti tamamlanghan haman amérikada yasalghan 19 dane F-16 urush ayropilanini yil axirighiche ukrainagha yetküzüp bérishke wede bergen idi.
zélénskiy tünügün (21-awghust) télégramma adrésida élan qilghan yazmisida, gollandiye we daniyedin jemiy 61 dane F-16 urush ayropilani alidighanliqini éytqan idi.
amérika F-16 urush ayropilanini ukrainagha yetküzüp bérish üchün gollandiye we daniyege yéshil chiragh yaqqandin kéyin, zélénskiy gollandiyeni ziyaret qilip, tünügün daniyege yétip barghan idi.
