washingtonda shiddetlik boran we yamghurdin agahlandurush bérildi
amérika paytexti washingtonda bezi rayonlar üchün shiddetlik boran we kelkün apiti toghrisida agahlandurush élan qilindi.
türkiye awazi radiyosi xewiri: döletlik hawa rayi idarisi (NWS) washingtonning bezi rayonliri üchün shiddetlik boran we kelkün apiti toghrisida agahlandurush élan qildi.
agahlandurushta, «boran yönilishide bolghanlar üchün binalarning ögzisi, tam suwaqliri we dériziler xeter peyda qilishi mumkin» déyildi.
kishilerning agahlandurushta tilgha élinghan hawa rayi ötüp ketkiche amal bar bixeter öylerde turushliri telep qilindi.
shiddetlik boranning paytext washingtondin bashqa wirjiniye ishtatining shimali, marilend ishtatining bezi rayonlirigha yérim kéchigiche tesir qilidighanliqi we kishilerning su bésishtin agah bolushi eskertildi.
shiddetlik yamghur sewebidin derya-östenglerning téship kétishi, oyman we pes jaylarning su astida qélishi mumkinlikini qeyt qilindi.
boranning yérim kéchidin bashlap ajizlishi, yamghurning bolsa sehergiche dawamlishishi mumkinliki bildürüldi.
