daniye tashqi ishlar ministiri qurangha qilinghan hujumlar üchün kechürüm soridi
daniye tashqi ishlar ministiri lars lokké rasmussén paytext kopénhagénda bir qisim islam döletlirining elchixaniliri aldida qurangha qilinghan hujumlar üchün kechürüm soridi.
türkiye awazi radyosi xewiri: aljiriye tashqi ishlar ministirliqining yazma bayanatigha asaslanghanda, daniye tashqi ishlar ministiri rasmussén aljiriyelik mensepdishi ehmed ataf bilen téléfonda körüshken.
söhbette daniye ministiri aljiriyening kopénhagéndiki bash elchixanisi qatarliq bir qisim islam döletlirining elchixaniliri aldida quran kerimni köydürüshtek jinayet dolqunining ewj élishidin azablanghanliqi bildürüp, kechürüm sorighan.
ministir rasmussén bu heriketlerni qobul qilghili bolmaydighanliqini tekitlep, mezkur hujumlarning daniye jemiyitining keng qorsaqliq enenisige pütünley zit kélidighanliqini éytqan.
rasmussén yene ehmed atafqa daniye hökümitining bu hujumlargha xatime bérishni meqset qilghan qanun layihisige axirqi özgertishlerni kirgüzüwatqanliqi heqqide melumat bérip, bu qanun layihisining parlaméntqa sunulidighanliqini bildürgen.
