bangladéshtiki kelkünde qaza qilghanlarning sani 57 ke yetti

türkiye awazi radyosi xewiri: bangladésh météorologiye mutexessisliri yamghurning yene 2 kün dawamlishidighanliqi, deryalarda kelkün apiti yüz bérishi mumkinliki heqqide  agahlanduush élan qildi.

bangladésh apetlerni bashqurush ministirliqining bayanatida, 4-awghusttin 11-awghustqiche tesir körtsetken yamghurning kelkünge aylanghanliqi we kelkünde texminen 1 milyon kishining ziyangha uchrighanliqi bildürüldi.

kelkün sewebidin nurghun yer we yüzligen öyning ziyangha uchrighanliqi, emma ziyanni éniqlash xizmiti üchün  bir heptidin köprek waqit kétishi mumkinliki uqturuldi.

kelkün apiti yüz bergen rayonlarda izdesh we qutquzush xizmetliri dawamlashmaqta.

bangladéshta 6-aydin 9-ayghiche körülidighan pesillik yamghur sewebidin her yili minglighan kishilerning turmushi selebiy tesirge uchrap kelmekte.