Yandex ning qurghuchisi ukraina urushigha qarshi ikenlikini bildürdi
rus intérnét shirkiti Yandex ning qurghuchisi arkadiy woloj ukraina urushigha qarshi ikenlikini bildürdi.
2023158
türkiye awazi radiyosi xewiri: woloj rusiye axbarat organlirigha ewetken bayanatida özining «bezi sewebler tüpeylidin» hazirghiche süküt qilghanliqini qeyt qildi.
woloj bayanatini hazir élan qilghanliqi üchün tenqid qilishqa bolidighanliqini, emma mezmunining muhimliqini tekitlep mundaq dédi: «men bu urushqa qarshi turimen, shunga meydanimni hemmige bildürmekchimen.»
u ukrainada uruq - tughqanliri we dostlirining yashaydighanliqini bayan qilip mundaq dédi: «gerche men 2014-yildin bashlap rusiyede yashawatqan bolsammu, emma rusiyening herbiy heriketliride méningmu hessem bar dep qaraymen.»
yawropa ittipaqi teripidin émbargo yürgüzülüwatqan woloj 2022-yili 12-ayda Yandex tin ayrilghanliqini uqturghanidi.
