xartum we etrapida yurt-makanliridin ayrilghan kishilerning sani köpeymekte

türkiye awazi radiyosi xewiri: xartum puqraliri sheherning jenubidiki nurghun mehellilerde dölet armiyesi bilen téz yardem qilish qisimliri otturisidiki shiddetlik toqunushta, öylirige zembirek oqining chüshkenlikini bildürdi.

sheherning shimalidiki bezi mehelliliridimu puqralar öylirining étishishlarda ziyangha uchrighanliqi eskertildi.

paytext xartumning gherbige jaylashqan umdurman rayonida yashaydighan kishiler shiddetlik toqunushlar sewebidin bixeter jaylargha köchüshni bashlidi.

sudan armiyesi umdurmandiki toqunushlarda téz yardem qilish qismigha qaqshatquch zerbe bergenlikini, nurghun ezalirining tutulghanliqini élan qildi.

sudan armiyesi toqunushlarda töt eskerning jénidin ayrilghanliqini, bezi eskerlerning yarilanghanliqini eskertti.

téz yardem qilish qismi bayanatida dölet armiyesining éghir chiqim tartqanliqini bildürüp: «deslepki éniqlashlargha qarighanda, qismimiz 174 eskerni étip öltürdi, 300 eskerni yarilandurdi we 83 eskerni esirge aldi» dédi.

sudan armiyesi eyni waqitta öz qollighan, emma parallél, musteqil armiyege oxshash heriketliri sewebidin tehdit süpitide körülüshke bashlighan téz yardem qilish qismini ikki yil ichide dölet armiyesige qétilishni telep qilghan idi.

téz yardem qilish qismi bolsa, 10 yil ichide bu telepni qobul qilidighanliqini élan qilishi bilen bashlanghan éghiz urushi, 15-aprél (2023) da xartum we etraptiki sheherlerde qoralliq toqunushqa aylanghan idi.

paytext xartum we etrapida dawamlishiwatqan shiddetlik toqunushlarda 3 mingdin artuq kishi jénidin ayrildi, onminglarche kishi yurt-makanliridin ayrildi.

b d t sudanda 100 kündin artuq waqittin buyan dawamlishiwatqan toqunushlar sewebidin 4 milyondin artuq kishining yurt-makanliridin ayrilghanliqini élan qildi.