грузийәниң тәтил йезисидики тағ гүмүрүлүп чүшүш вәқәсидә 17 киши қаза қилди
грузийәниң рача-лечхуми вә квемо сванети районидики тәтил йезиси шовидә йүз бәргән тағ гүмүрүлүп чүшүш вәқәсидә һайатидин айрилғанларниң сани 17 гә йәтти.
2020731
түркийә авази радйоси хәвири: грузийә ички ишлар министирлиқиниң йазма байанатида, шовидики тағ гүмүрүлүп чүшүш вәқәсидин кейин, районда издәш вә қутқузуш хизмитиниң давамлишиватқанлиқи билдүрүлди.
байанатта тәхминән 400 кишилик издәш вә қутқузуш әтритиниң сақчи вә армийә әзалириниңму қатнишиши билән һавадин тик учарларниң қоллиши астида һазирға қәдәр 17 кишиниң җансиз җәситини тапқанлиқи уқтурулди.
арисида кичик балиларму болған йоқап кәткән 19 кишидин техичә хәвәр йоқлуқи билдүрүлди. шовидики хизмәтләрни нәқ мәйдандин көзитиватқан грузийә баш министири иракли гарибашвили қаза қилғанлар үчүн 7-авғустни«дөләтлик матәм күни» елан қилғанлиқини җакарлиған иди .
