islam hemkarliq teshkilati quran kerimge qiliniwatqan hujumlar toghrisida pewquladde yighin chaqirdi
islam hemkarliq teshkilati yawropa ittipaqi komitétigha wekiller ömiki ewetip, quran kerimning köydürülüshidin biaram bolghanliqini bildürüshni qarar qildi.
türkiye awazi radiyosi xewiri: islam hemkarliq teshkilatigha eza dölet tashqi ishlar ministirliri quran kerimge qilinghan hujumlarni muzakire qilish meqsitide tünügün (2023-yili 31-iyul) chaqirilghan 18- nöwetlik pewquladde yighinidin kéyin yazma bayanat élan qildi؛ bayanat islam hemkarliq teshkilatining intérnét sehipiside élan qilindi.
bayanatta, shiwétsiye we daniyediki quran kerimning muqeddeslikige qayta- qayta qilinghan hujumlarning qattiq eyiblengenliki otturigha qoyuldi.
bayanatta körsitilishiche, islam hemkarliq teshkilati yawropa ittipaqi komitétigha wekiller ömiki ewetip, pikir erkinliki nami astida tekrarliniwatqan bu xil qilmishlarning aldini élishni qarar qilghan.
bayanatta, islam hemkarliq teshkilatigha eza döletler quran kerim köydürülgen döletler bilen bolghan munasiwitini qayta közdin kechürüp, tégishlik pozitsiye bildürüshke chaqirildi.
bu arqa körünüshte, eza döletlerdin shiwétsiye we daniyediki bash elchilirini meslihetlishish meqsitide qayturup kélishni öz ichige alghan siyasiy qedemlerni tashlishi telep qilindi.
bayanatta yene, musulmanlar we islamning muqeddes simwollirigha qilinghan qebih hujumlarni chongqurlap muhakime qilish üchün, islam hemkarliq teshkilati ijraiye heyitining islamofbiya toghrisida yighin chaqirishi telep qilindi.
tünügün islam hemkarliq teshkilatining hujumlar toghrisidiki tor yighini dawamlishiwatqan peytte, daniye bilen shiwétsiyede quran kerimge hujum qilish qilmishliri sadir qilinghanidi.
dölitimiz (türkiye jumhuriyiti) tashqi ishlar ministiri xaqan fidan islam hemkarliq teshkilatigha eza döletler tashqi ishlar ministirlirining 18 – nöwetlik pewquladde yighinigha qatniship söz qilghanidi.
yighin, tashqi ishlar ministirliri derijilik özara kéngishishlerdin kéyin, iraq teripidin otturigha qoyulghan we nöwetchi reis seudi erebistanningmu ortaq teshebbusi bilen bashlanghanidi.
