seudi erebistan daniyege ultimatom tapshurdi
seudi erebistan kopénhagénda quran kerimning köydürülüshi sewebidin daniyening riyadta turushluq diplomatini tashqi ishlar ministirliqigha chaqirdi.
türkiye awazi radiyosi xewiri: seudi erebistan tashqi ishlar ministirliqi yazma bayanat élan qilip, daniyediki radikal bir guruppining quran kerimni köydürüsh, islam we musulmanlargha qarshi irqchi shoarlarni towlash qatarliq qilmshilirining ilgirimu eyiblengenlikini qeyt qildi.
bayanatta, mezkur qilmishlar sewebidin daniyening riyadta turushluq diplomatining tashqi ishlar ministirliqigha chaqirilip ultimatom tapshurulghanliqi, daniyedin xelqara qaide – qanunlargha, diniy telimatlargha mas kelmeydighan bu xil qebih qilmishlarning aldini élishining telep qilinghanliqi tekitlendi.
seudi erebistan tashqi ishlar ministirliqining bayanatida: «seudi erebistan dinlar arisida öchmenlik peyda qilidighan bu xil qilmishlarni qetiy ret qilidu» dégen ibarilerge orun bérildi.
daniyediki islamgha qarshi ashqun milletchi «daniye wetenperwerliri» namliq guruppining ezaliri quran kerimni köydürgenidi.
islamgha qarshi lozunkilarni kötürüp, islamni haqaretleydighan shoarlarni towlighan mezkur guruppining ezaliri, 21-iyul iraq, 24- iyul iran we iraq, 25- iyul misir we türkiyening kopénhagéndiki elchixanilirining aldida quran kerimni köydürgenidi.
