путин: шәртлиримиз орундалса, келишимгә дәрһал қайтип келимиз

түркийә авази радийоси хәвири: пирезидент путин пайтәхт москвада һөкүмәт әмәлдарлири билән өткүзгән учришишта, қара деңиз ашлиқ каридори келишими тоғрисида тохталди؛ у русийәниң ғәрб дөләтлириниң «тәкәббурларчә» усулиға қаримай, келишимни көп қетим узартқанлиқини тилға елип: «биз чәт әллик хизмәтдашлиримизниң бирдәклик һасил қилинип тәстиқланған шәртләргә толуқ әмәл қилишини үмид қилаттуқ, әмма ундақ болмиди» деди.

путин келишимниң бикар қилинишиниң җавабкариниң ғәрб дөләтлири икәнликини, русийәниң намрат дөләтләргә оғут әвәтиш тиришчанлиқиниң ғәрб дөләтлириниң тосқунлуқиға учриғанлиқини илгири сүрүп, «бу келишим һазирқи шәкили мәнисини йоқатти» деди.

у келишимниң давамлишиши үчүн русийәниң һәр хил шәртлириниң барлиқиға ишарәт қилип, йемәклик вә оғут билән тәминләш ишлири билән шуғуллинидиған русийә банкилири вә пул- муамилә органлири, һәмдә русийә ашлиқ мәһсулатлириниң хәлқара базарларға йөткилиши вә деһқанчилиқ қораллири вә үскүнилириниң русийәгә тошулуши йолидики тосалғуларниң әмәлдин қалдурулуши керәкликини тәкитилди.

виладимир путин русийә парахотлириниң суғурта мәсилисиниңму һәл қилиниши керәкликини тилға елип: «ахирида, русийәниң келишимгә қайтип келишиниң асаслиқ шәрти, келишимниң инсанпәрвәрлик маһийитини әслигә кәлтүрүш. әгәр биз илгири бирдәклик һасил қилған бу шәртләрниң һәммиси орундилип қалса, биз дәрһал келишимгә қайтимиз» дегәнләрни қәйт қилди.