«dunyaning herqaysi jayliridiki her bir kishi diniy étiqad erkinlikidin behrimen bolushi kérek»
kanada bash ministiri jastin trudo dunyaning herqaysi jayliridiki her bir kishining diniy étiqad erkinlikidin qilche qorqmastin behrimen bolushi kéreklikini éytti.
türkiye awazi radiyosi xewiri: kanada bash ministiri jastin trudo dunyaning herqaysi jayliridiki musulmanlarning qurban héytini tebriklidi.
trudo qurban héyt munasiwiti bilen kanada we dunyaning herqaysi jayliridiki musulmanlarning qurban héytini tebriklep élan qilghan bayanatida, mundaq dédi: «islam dinining eng muqeddes künliridin biri bolghan qurban héyt bizge ibrahim eleyhissalamning (allah taalaning raziliqini közlep qilghan) taet – ibadet we pidakarliq (qurbanliq) hékayisini xatirilitidu. memlikitimizning herqaysi jayliridin kelgen aililer we dostlirining bir yerge jem bolup, taet – ibadet qilishi, qurbanliq göshlirini öz ichige alghan yémek - ichmekliridin éhtiyajliq kishiler bilen teng behrimen bolushi, kanadadiki musulmanlar jemiyetlirining her küni mislisiz pidakarliqlarni namayan qilishi, köyümchanliq we xeyr - saxawetlik qimmet qarishi hemmimiz üchün ilham menbesidur.»
trudo kanada we dunyaning herqaysi jayliridiki her bir kishining diniy étiqad erkinlikidin qilche qorqmastin behrimen bolushi kéreklikini tekitlidi, shundaqla özlirining her xil shekildiki islam düshmenliki we ayrimchiliqqa qarshi turushniizchil dawamlashturidighanliqlirini tekitlep mundaq dédi: «hemmimiz bir gewdige aylanghandila andin hemme özini bixeter we hörmetke sazawer hés qilidighan bir kanada qurup chiqalaymiz. kanada we dunyaning herqaysi jayliridiki pütkül musulmanlarning qurban héytini qizghin tebrikleymen.»
ammiwi ortaqlishish tor bétidiki sehipiside hembehirligen widéoluq uchurini «Eid Mubarak!» dep axirlashturghan kanada bash ministiri jastin trudo yazma uchuridimu ereb tilida «عyd mbark!» ibarisini ishletti.
