xitay: wagnér isyani rusiyening ichki ishi
xitay hökümiti prigojin bashchiliqidiki yallanma eskerler shirkiti wagnérning rusiye hökümitige qarshi qozghighan isyani netijiside otturigha chiqqan kirizisning, rusiyening «ichki ishi» ikenlikini bildürdi.
türkiye awazi radiyosi xewiri: xitay tashqi ishlar ministirliqi rusiye yallanma eskerler shirkiti wagnérning isyani toghrisida bayanat élan qildi.
bayanatta, «bu rusiyening ichki ishi. xitay rusiyening dostane qoshnisi we yéngi dewrde keng dairilik istratégiyelik kordinatsiye shériki bolush süpitide ichki muqimliqining izchilliqini, tereqqiyatini we parawanliqqa érishishini qollaydu» déyildi.
kuba reisi miguél diyaz kanél twittérda hembehrligen uchurida, rusiyening birliki we asasiy qanungha tayanghan tertipning ghalip kélidighanliqigha ishinidighanliqini eskertip: «rusiyediki qoralliq isyan we iwagerchilikler qarshisida, hörmetke sazawer pirézidént putingha we qérindash rus xelqige, kuba xelqi hemde hökümitining hemkarliq pozitsiyeni bildürimen» dédi.
u wagnér shirkitining isyani yüz bérip uzun ötmey rusiye pirézidénti putingha téléfon qilip, özara hemkarliqni tekitligen idi.
rusiye yallanma eskerler shirkiti wagnérning qurghuchisi prigojin dölet armiyesining wagnérgha hujum qilghanliqini eyiblep, buninggha jawab qayturidighanliqliri toghrisida tehdit salghan idi. aridin uzun ötmey wagnér jengchiliri ukraina zéminidin chékinip, chégradiki rostow rayonigha bésip kirgen idi.
prigojin kéyinche aldinqi seplerge qaytidighanliqlirini élan qilghan idi.
rusiye krémil sariyi bayanatchisi dmitriy péskow prigojin üstidin échilghan dewa délolirining yépilidighanliqini, isyanchilar bashlamchilirining bélarusiyege kétidighanliqini uqturghan idi.
