сомалида өктичиләр билән әскәрләр оттурисида тоқунуш йүз бәрди
сомалиниң понтланд өлкисиниң пайтәхти гарове шәһиридә әскәрләр билән һөкүмәткә қарши өктичиләр оттурисида йүз бәргән тоқунушта 26 адәм қаза қилди, 30 адәм йариланди.
түркийә авази радийоси хәвири: сомали таратқулириниң хәвәрлиригә қариғанда, понтланд иштатлиқ парламентида асасий қанунға түзитиш киргүзүш мәсилиси музакирә қилиниватқанда өктичиләр билән әскәрләр оттурисида қораллиқ тоқунуш йүз бәргән.
аммиви таратқуларда тарқалған көрүнүшләргә қариғанда, өктичиләр парламент бинасиға һуҗум қилған, тоқунушларда еғир типлиқ қораллар ишлитилгән.
тоқунушта 26 адәм һайатидин айрилған, 30 адәм йариланған.
парламенттики 35 вәкилдин 34 и өлкилик асасий қанунға түзитиш киргүзүш тәклипини қобул қилған.
игилинишичә, өктичиләр өлкә рәиси сәид абдуллаһ дениниң асасий қанунға түзитиш киргүзүш тәклипи арқилиқ вәзипә өтәш муддитини узартишни нишан қиливатқанлиқини илгири сүрмәктә икән.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.
