тәйвәндә бир йәслидә оқуғучиларни дора арқилиқ җимғурлаштуруш сәтчилики йүз бәрди
тәйвәнниң йеңи тәйбей шәһиридики бир йәслиниң оқутқучилири вә қатарлиқ дөриларни өз ичигә алған һөтәл шәрбити арқилиқ оқуғучиларни җимиғурлаштуруш җинайити билән әйибләнди.
түркийә авази радийоси хәвири: тәйвәндә бир нәччә һәптә тәкшүрүш елип барған сақчиларниң йәсли балилириға немә үчүн хумар қилидиған бу хил шәрбәтләрниң берилигәнликиниң ениқланмиғанлиқини ейтти.
тәйвәндә бу сәтчилик аиләрниң һөкүмәт биналириниң алдида намайиш өткүзүшини кәлтүрүп чиқарди.
йәкшәнбә күни (18-ийун) йүзлигән киши йеңи тәйбей шәһиридә намайиш қилип, сақчиларни тәкшүрүшлиридә техиму бәк очуқ-ашкара болушқа чақирди.
тәйвәнниң қарши тәрипидики кавсйоң шәһиридә бир тиббий тәкшүрүш мәркизигә четишлиқ йәнә бир делому оттуриға чиқти.
кавсйоң шәһиридә йәрлик сәһийә тармақлири төт дохтурни 20 дәк кичик балини сүйиистемал қилиш вә намувапиқ <фенобарбитал> ишлитиш җинайити билән әйиблиди.
тиббий тәкшүрүш мәркизи алтә айлиқ иштин тохтитилди вә 1 милйон 400 миң тәйвән доллири җәриманә қойулди.
хәлқниң күнсери ешиватқан әндишисигә қарита тәйбей шәһәрлик дохтурханиси оқуш йешиға тошмиған балиларни җимғурлаштуруш үчүн дора ишлитилгән йаки ишлитилмигәнликини еиқлаш мәқситидә һәқсиз қан тәкшүрүш мулазимити башлиди.
бәш йашлиқ бир балиниң дадиси майк февралдики қәмәрийә йеңи йил дәм елиш мәзгилидә пәрзәнтлиридә чүшкүнлишиш аламәтлирини байқиғанлиқини тилға елип: «тәтилдә бәзи ата-анилар балилириниң ухлиғанда аччиқланғанлиқини, биарам болғанлиқлирини вә вақириғанлиқини, һәтта путиниң пийи тартишип йиғлиғанлиқлирини көрди» деди.
тәркибидә фенобарбитал бар болған дорилар көпинчә тутқақлиқ кесилини давалашта вә йаки оператсийәдә наркоз дориси сүпитидә ишлитилиду, уни тепишму асан әмәс.
<бензодиазепин> болса, адәттә еғир тәшвишни давалашта әң көп ишлитилидиған чүшкүнлүк дориси түри болуп һесаблиниду.
