гиретсийәдики кемә қазасида қаза қилғанлар сани 81 гә йәтти

түркийә авази радийоси хәвири: гиретсийә даирилири байанат елан қилип, қаза йүз бәргән җайдин тепилған йәнә үч кишиниң җәситиниң теббий тәкшүрүштин өткүзүш үчүн каламата портиға елип берилғанлиқини уқтурди.

гиретсийә деңиз қирғиқи муһапизәт әтритиниң байанатида, көчмән кемиси қазасидин кейинки издәш - қутқузуш хизмитиниң давамлишиватқанлиқи, түнүгүн тепилған үч кишиниң җәсити қошулуп, қаза қилғанлар омумий саниниң 81 гә йәткәнлики қәйт қилинди.

BBC ниң йәршариви парахотларни из қоғлап учур топлаш тори — MarineTraffic ниң санлиқ мәлуматлириға асасән илгири сүргән «кеминиң тәхмән йәттә саәт боичә деңизда һәрикәтсиз һаләттә күтүп турғанлиқи» тоғрисидики дәваси, гиретсийә деңиз қирғиқи муһапизәт әтрити тәрипидин рәт қилинди.

гиретсийә деңиз қирғиқи муһапизәт әтрити байанат елан қилип, кеминиң йеқин әтраптики икки май парахотидин су вә йемәклик толуқливелиш үчүн җәмий төт йерим саәт тохтиғанлиқини, лазимәтликлирини толуқливалғандин кейин, төвән сүрәттә йәнә алтә деңиз деңиз мили алға илгирилигәнликини билдүрди.

байанатта, кеминиң гиретсийә даирилири тәрипидин байқалғандин кейин җәмий 30 деңиз мили маңғанлиқи қәйт қилинди.

гиретсийә мәтбуатлириниң кемә қазасидин қутулуп қалған тәртипсиз көчмәнләр билән кемидики туғқанлириниң из-дерикини қиливатқанларниң байанатлириға асасланған хәвәрлиридә, кеминиң чөкүп кетиштин бурун су вә йемәклик кәмчилики мәсилисигә дуч кәлгәнлики, көчмәнләрниң бәзилириниң бу сәвәбтин һайатидин айрилғанлиқи илгири сүрүлди.

гиретсийәниң «ефимерида тон синтактон» гезити қаза йүз бәргән җайға йеқин йәрдин өткән «Faithful Warrior» намлиқ май парахотиниң капитаниниң сөзлиригә орун бәргән хәвиридә,  кеминиң гиретсийә деңиз қирғиқи мудапиәси хадимлири тәрипидин йирақлаштурулғанлиқи оттуриға қойулғаниди.

гиретсийә издәш- қутқузуш мәркизиниң нормидин ашуруп йүк басқан кеминиң хәтәрлик һаләттә тәврәватқанлиқидин хәвәрдар икәнликигә ишарәт қилинған хәвәрдә, деңиз қирғиқи муһапизәт әтритиниң май парахотини қутқузуш һәрикитигә йардәмлишиш үчүн вәқә йүз бәргән җайға чақиришниң орниға немишқа нәқ мәйдандин йирақлаштурувәткәнлики тоғрисидики соалларға җаваб берилиши керәклики тәкитләнгәниди.

иҗтимаий күчләр башқурушидики «сигнал телефони» намлиқ орган, кемидә тәхминән 700 адәм бар икән.