непалда кәлкүн апитидә 5 адәм қаза қилди
непалда қара йамғур кәлтүрүп чиқарған кәлкүн вә йәр көчүш апәтлиридә һайатидин айрилғанларниң сани 5 кә йәтти.
түркийә авази радийоси хәвири: асийа хәлқара хәвәрләр (ANI) ториниң хәвиригә қариғанда, алдинқи һәптидин буйан непалға тәсир көрситиватқан пәсиллик йамғур кәлтүрүп чиқарған кәлкүн вә йәр көчүш апәтлири нәтиҗисидә бу дөләтниң шәрқидики 4 районда еғир талапәт көрүлгән.
сақчи тәрәпниң билдүрүшичә, санхувасабха, таплеҗуң, панчтхар вә данкута қатарлиқ районларға тәсир көрсәткән кәлкүн вә йәр көчүш апәтлиридә қаза қилғанларниң сани 5 гә йәткән, 28 киши йоқап кәткән.
непал ул әслиһә вә қатнаш ишлири министири пракаш җваланиң билдүрүшичә, кәлкүн вә йәр көчүш апәтлири еғир талапәт йәткүзгән районларда бир қисим йол вә көврүкләр вәйран болған.
униң әскәртишичә, апәт районлирида издәш – қутқузуш паалийәтлири үзлүксиз давамлашмақта икән.
игилинишичә, кәлгүси бир нәччә һәптә ичидә пүткүл непал миқйасида қара йамғур йеғиши күтүлмәктә икән.
