б д т: көчмән кемиси қазасида 78 адәм һайатидин айрилди, 500 гә йеқин адәм йоқап кәтти
волкәр түрк гиретсийәниң мора йерим арили деңиз тәвәликидә тәртипсиз көчмәнләрни елип маңған белиқчи кемисиниң ғәрқ болуп кетиш вқәсидә 78 адәмниң қаза қилғанлиқини, айаллар вә балиларни өз ичигә алған 500 кишиниң йоқап кәткәнликини елан қилди.
түркийә авази радийоси хәвири: бирләшкән дөләтләр тәшкилати (б д т) кишилик һоқуқ алий комиссари волкәр түрк йазма байанат елан қилип, мора йерим арилида «дәһшәтлик паҗиә» йүз бәргәнликини билдүрди.
у байанатида кемә қазасида һайатидин айрилған 78 тәртипсиз көчмәнниң аилә - тавабиатиға тәзийә билдүрүп: «айаллар вә балиларни өз ичигә алған 500 дәк адәм йоқап кәтти. һайат қалғанлар вә апәттә қаза қилғанларниң аилә-тавабиатлири билән һәмкарлишиш интайин муһим» деди.
у бу вәқәни чөридигән һалда әткәсчиләр вә адәм әткәсчилирини тәкшүрүш вә уларни қанунниң бир тәрәп қилишиға тапшурушниң муһимлиқини тәкитлиди.
волкәр түрк һәр қайси дөләтләрни тәртиплик көчүш қаналлирини ечиш вә мәсулийәтни тәң үстигә елишқа чақирип, деңизлардин қутқузувелинған барлиқ кишиләрниң бихәтәр һаләттә вақтида қуруқлуққа чиқирилиши тоғрисида қанунларниң чиқирилишини тәләп қилди.
14 – ийун (2023) гиретсийәниң мора йерим арилидики наваринониң 47 деңиз мили йирақлиқидики хәлқара деңиз тәвәликидә, тәртипсиз көчмәнләрни елип маңған бир белиқчи кемиси ғәрқ болуп кетип, 78 адәм һайатидин айрилған, 104 адәм қутқузувелинип, каламата портиға елип берилғаниди.
гиретсийә деңиз қирғиқи муһапизәт әтрити қутқузувелинған көчмәнләрниң 47 нәпириниң сүрийәлик, 43 нәпириниң мисирлиқ, 12 нәпириниң пакистанлиқ вә икки нәпириниң пәләстинлик икәнликини елан қилғанииди.
иҗтимаий күчләр башқурушидики «аларм фун (сигнал телефони)» оргининиң билдүрүшичә, қазаға йолуққан кемидә тәхминән 700 адәм бар икән.
издәш вә қутқузуш хизмәтлири һелиһәм давамлишиватқан болуп, мутәхәссисләр қаза қилғанлар саниниң көпийип кетишидин әндишә қилиниватқанлиқини билдүрмәктә.
