судандики ички тоқунушлар давамлашмақта
суданда армийә тәрәп билән тез йардәм бериш күчлири оттурисида пайтәхт хартумниң шимали вә җәнубида шиддәтлик тоқунушлар йүз бәрмәктә.
түркийә авази радийоси хәвири: 4-айниң оттурилири башланған ички тоқунуш хәлқара җәмийәтниң уруш тохтитиш вә ембарго йүргүзүш тәһдитигә қаримай уда 59 күндин буйан үзлүксиз давамлашмақта.
армийә билән тез йардәм бериш күчлири пайтәхт хартумниң шималидики бәһри райони вә җәнубтики бәзи районларда йеник вә еғир типлиқ қорал - йарағлар билән тоқунушти.
район аһалилири зәмбирәк, партилаш авазлирини аңлиғанлиқлирини, һәммә йақни ис-түтәк қаплап кәткәнликини, шәһәр асминида уруш айропиланлириниң көрүлгәнликини байан қилди.
шаһитларниң билдүрүшичә, судан армийәсигә аит уруш айропиланлири пайтәхт хартум әтрапидики бир қисим мәһәллә вә асаслиқ кочиларға орунлашқан тез йардәм бериш күчлирини һуҗум нишани қилмақта икән.
америка қошма иштатлири билән сәуди әрәбистан судан кризисини һәл қилиш мәқситидә ишқа кириштүргән сөһбәт нәтиҗә бәрмигән, уруш тохтитиш қарарлириға көп қетим хилаплиқ қилинғаниди.
