еквадорда кәлкүн апитидә 15 миң адәм талапәткә учриди
җәнубий америка дөлити еквадорда қара йамғур кәлтүрүп чиқарған кәлкүн апитидә 15 миң киши талапәткә учриди.
түркийә авази радийоси хәвири: еквадор таратқулириниң хәвиригә қариғанда, қара йамғур еквадорниң ғәрбий шималидики есмерал шәһиридә кәлкүн апитини кәлтүрүп чиқарған.
еквадор учур – алақә катибат башқармисиниң билдүрүшичә, кәлкүн апитидә 15 миң киши талапәткә учриған, 842 киши вақитлиқ панаһлиниш орунлириға орунлаштурулған, 1467 киши хәлқ мудапиә әтрити тәрипидин қутқузувелинған.
еквадор учур – алақә катибат башқармисиниң байанатида тәкитлинишичә, бир айлиқ һөл-йеғин һесаблинидиған қара йамғур 12 саәт ичидә йағқанлиқи сәвәбидин, һазирғичә 2 миң 895 өй – макан зийанға учриған.
байанатта көрситилишичә, издәш – қутқузуш паалийәтлири үзлүксиз давамлишиватқан болуп, бәзи районларда ток вә ичимлик су мулазимити билән тәминләш техичә әслигә кәлмигән.