pistorius: gérmaniyening énérgiyede rusiyege tayinishi «kütülmigen derijide» azaydi

türkiye awazi radyosi xewiri:  boris pistorius hindistanning paytexti yéngi déhlida mensepdéshi rajnat singi bilen uchrishishtin ilgiri «The Indian Express» gézitige bergen bayanatida, rusiye-ukraina urushining tesirliri üstide toxtaldi.

pistorius gérmaniyening énérgiye saheside rusiyege tayinishni «kütülmigen derijide» azaytqanliqini we moskwa bilen bolghan munasiwetlerde alaqini üzüsh emes, belki xeterni azaytish siyasitini yolgha qoyghanliqini bildürdi.

boris pistorius yawropaning bixeterlikige tarixiy ehmyetke ige tesiri bolghan rusiye-ukraina urushining, gérmaniyening mudapiege tutqan pozitsiyesini özgertkenlikini tekitlep, özlirining bixeterlik siyasitining bir wastisi süpitide qoral éksporti üchün körsetküch salahiyetke ige gérmaniyening tunji dölet bixeterlik istratégiyesini tetqiq qiliwatqanliqini yétti.

pistorius ukrainani qollash üchün yawropa ittipaqi döletliri bashlighan herbiy eslihe ishlepchiqirish teshebbusining yawropa ittipaqigha eza bolmighan döletlergimu yüzlinishi kéreklikini tekitlidi.

gérmaniye dölet mudapie ministiri boris pistorius moskwa dairilirining rusiye-ukraina urushigha shimaliy atlantik ehdi teshkilatini mesul dep eyiblishining «opochuq yalghanchiliq» ikenlikini tilgha élip, mudapie hemkarliqi bolghan shimaliy atlantik ehdi teshkilatini eyiblesh rusiyening «qanungha hörmetsizlik qilighanliqi» ning ochuq ipadisi ikenlikini tekitlidi.