һайтида кәлкүн апитидә 15 адәм қаза қилди
һайтида қара йамғур кәлтүрүп чиқарған кәлкүн вә йәр көчүш апәтлиридә 15 адәм һайатидин айрилди, 8 адәм йоқап кәтти.
1995507
түркийә авази радийоси хәвири: һайти пуқраларни қоғдаш идарисиниң билдүрүшичә, кәлкүн апити сәвәбидин дөләт миқйасида тәхминән 13 миң 400 адәм өй – маканлиридин тарқақлаштурулған.
дәсләпки қарарға қариғанда, қара йамғур кәлтүрүп чиқарған кәлкүн вә йәр көчүш апәтлиридә 7400 дин артуқ өй – макан зийанға учриған, 15 адәм һайатидин айрилған, 8 адәм йоқап кәткән.
һайти баш министири ариел һенриниң байанатиға қариғанда, һайти һөкүмити йәрлик вә хәлқаралиқ тәшкилатлар билән һәмкарлишип, кәлкүн апитидә талапәткә учриғанларға йардәм қилмақта икән.
һайтида 2016-йили йүз бәргән «матһев» намлиқ боран - чапқун апитидә 800 дин артуқ адәм қаза қилған иди.
