җасус ақ кит бу қетим шиветсийә деңиз саһилида байқалди

түркийә авази радийоси хәвири: тунҗи қетим норвегийәниң финмарк районида байқалған кит йәкшәнбә күни (2023-йили 29-май) шиветсийәниң ғәрбий җәнуб деңиз саһилиға чайлашқан хуннебостранд районида байқалди.

деңиз-окйан биологи себастийан странд китниң тәбиий муһиттин тезликтә йирақлашқанлиқини, буниң сәвәбиниң ениқ әмәсликини билдүрди.

биолог странд: «бу бәлким уни җуплишишқа иттиридиған һормон болуши мумкин. йаки йалғузлуқ болушиму мумкин, чүнки ақ китлар иҗтимаийлиқи йуқири бир түр» деди.

мәзкур кит тунҗи қетим норвегийәдә көрүлгәндә, норвегийә белиқчилиқ башқармисиниң деңиз-окйан биологлири униңда инсанлар тәрипидин йасалған сүний кәмәр барлиқини байқиған иди.

кәмәрдә һәрикәт камераси орнитилған механизм вә «үскүниләр сант петирбург» дәп йезилған пиластик тоқа тепилған иди.

москва даирилири китниң «русийә җасуси» икәнликигә даир әйибләшләргә һазирғичә һечқандақ рәсмий җаваб қайтурмиди.