сомалида 1 милйондин артуқ киши йурт-маканлиридин айрилған
сомалида йеқинқи бәш айда 1 милйон кишиниң өй-маканлиридин башқа районларға көчүшкә мәҗбур қалғанлиқи елан қилинди.
түркийә авази радийоси хәвири: норвегийә мусапирлар кеңишиниң сомали ишлириға мәсул директори муһәммәд абди сомалидики ички көчниң агаһландуруш сәвийәсигә өрлигәнликини билдүрди.
у йеқинқи бәш айда 1 милйон кишиниң йурт-маканлиридин айрилип башқа районларға көчүшкә мәҗбур қалғанлиқини әскәртип, буниң кейинки айларда техиму көпийиши мумкинликидин әндишә қиливатқанлиқлирини қәйт қилди.
у сомалидики ички көчкә, террорлуқ тәшкилати әшшабаб сәвәб болған бихәтәрлик мәсилилиридин башқа, қурғақчилиқ вә кәлкүн қатарлиқ тәбиий апәтләрниңму тәсириниң күчлүк икәнликини әскәртти.
у сомалиниң оттура қисмиға җайлашқан һиран билән җәнубтики гедо райониниң көч әң көп йүз бәргән районлар икәнликини, көчкәнләр саниниң 3.8 милйондин артуқ икәнликини сөзлиригә илавә қилди.
