shimaliy koréye yapon déngizigha qaritip bashqurulidighan bomba atti

türkiye awazi radiyosi xewiri: yaponiye dölet mudapie wazariti imaliy koréyening yapon déngizi (sherqiy déngiz) gha qaritip ottura yaki yiraq musapiliq baqurulidighan bomba qoyup bergenlikini bildürdi we béyjingdiki yaponiye elchixanisi arqiliq shimaliy koréyege ultimatum tapshurulghanliqini uqturdi.

yaponiye dölet mudapie weziri xamada yasukazu bashqurulidighan bombining xokkaydo déngiz tewelikinng sirtigha shu yer waqti 08.00 de chüshkenlikini élan qildi.

yaponiye bash weziri kishida shimaliy koréyening bashqurulidighan bomba tehditige qarshi fumiyo dölet xewpsizlik kéngishini yighingha chaqiridighanliqini bildürdi.

jenubiy koréye armiye qomandanliq ishtabi bashqurulidighan bombining shu yer waqti 7 din 23 minut ötkende shimaliy koréye paytexti piyongyang etrapidin yapon déngizigha qaritip étilghanliqini élan qildi.

hawada ming kilométir musape basqan bashqurulidighan bomba toghrisida, «sinaq peqet koréye yérim arili üchünla emes, belki xelqaraliq jemiyetning tinchliqi we muqimliqigha ziyan salghan ighwagerchilik herikiti» dep qaraldi.

amérika shimaliy koréyening yiraq musapiliq bashqurulidighan bomba siniqini qattiq eyiblep, shimaliy koréyening söhbet üstilige kélishi üchün diplomatik bésim qilishqa chaqirdi.

aqsaray dölet xewpsizlik kéngishining bayanatchisi ajién watson (Adrienne Watson) yazma bayanatida, pirézidént jo baydin bilen dölet bixeterlik etritining, ittipaqdashlar we shérikler bilen zich hemkarliship weziyetke qarap chiqiwatqanliqini bildürdi.

u bayanatida yene, piyongyangni muqimliqqa ziyan salidighan heriketlerni derhal axirlashturushqa we diplomatik yolni tallashqa chaqirip, amérikaning ittipaqdashliri bolghan jenubiy koréye bilen yaponiyening bixeterlikini kapaletke ige qili üchün barliq zörür tedbirlerni alidighanliqini tekitlidi.