kanada ukrainagha yéngi yardemlerni qilidu
kanada bash ministiri jastin trudo 14 rusiyelikke we 34 idare-organgha émbargo yürgüzülidighanliqini, ukrainagha yéngi herbiy yardem qilidighanliqini uqturdi.
türkiye awazi radiyosi xewiri: kanada bash ministiri jastin trudo bilen ukraina bash ministiri dénis shmixal kanadaning toronto shehiride körüshti.
jastin trudo körüshüshtin kéyin, kanadaning ukrainani ishghal qilishi sewebidin rusiyege yéngi émbargolarning yürgüzülidighanliqini we ukrainagha yéngi herbiy yardemlerning qilinidighanliqini uqturdi.
u kanadaning ukrainagha 21 ming miltiq, 38 aptomatik miltiq we 2.4 milyon pay oq ewetidighanliqini bildürüp, rusiye yallanma esker shirkiti wagnérgha chétishliq 14 kishi we 34 idare-organgha émbargo yürgüzidighanliqini eskertti.
u yene, zörür tépilghanda, kanadaning ukrainagha dawamliq türlük yardemlerni béridighanliqini tekitlep, rusiyening émbargolardin qéchishigha yardem qilghan bélarusiyediki toqquz pul-muamile orginighimu émbargo yürgüzülidighanliqini jakarlidi.
kanada 2022-yili 1-aydin bashlap ukrainagha pul-muamile, herbiy, insanperwerlik we bashqa yardemler dairiside, 8 milyard kanada dolliri yardem qilish toghrisida wede berdi.
