zélénskiy: biz choqum rezillikning meghlubiyitini yéqinlashturushimiz
ukraina prézidénti wolodimir zélénskiy rusiyening zaporizhyagha qilghan «S-300» tipliq bashqurulidighan bomba hujumida, bir kishining jénidin ayrilghanliqini bildürdi.
türkiye awazi radiyosi xewiri: ukraina prézidénti wolodimir zélénskiy rusiye armiyesining « S-300» tipliq hawa mudapie qalqan sistémisi bilen zaporizhyagha hujum qilghanliqini we hujumda bir balini öz ichige alghan ikki kishining jénidin ayrilghanliqini, bir kishining éghir yarilanghanliqini élan qildi.
pirézidént zélénskiy kéche waqtida xelqqe qilghan xitabida, doxturxanida dawaliniwatqan yarilanghan ayalning ehwalining intayin éghir ikenlikini eskertip, hujumgha naraziliq bildürdi.
u 24-féwral (2022) bashlanghan rusiye hujumlirining «palm bayrimi» (Palm Sunday) dimu dawamlishiwatqanliqini bildürüp: «shundaq qilip, rusiye özini dunyadin, insaniyettin téximu yiraqlashturuwatidu. her bir xiristiyan bayrimi bizge qandaq qilishni bilmisekmu, yamanliqning yoqilidighanliqigha kapaletlik qilishni ögitidu. biz ishinishimiz kérek we ishinimiz» dédi.
u: «biz choqum rezillikning meghlubiyitini yéqinlashturushimiz, uni yéqinlashturushimiz kérek. dunya biz bilen bille. her ay, her hepte qollash künséri küchiyiwatidu, bizni qollawatqanlar, bizning jasaritimizni we hayatqa bolghan ishenchimizni qollaydighanlarning dairisi barghanséri kéngiyiwatidu. men bu munasiwet bilen ukrainani qollighan dunyadiki barliq kishilerge rehmet éytimen» dédi.
