русийә естонийәдин өч алди
русийә естонийәниң москвадики әлчиханисида ишләйдиған бир дипломатни «қарши елинмайдиған киши» дәп елан қилишни қарар қилди.
түркийә авази радийоси хәвири: русийә ташқи ишлар министирлиқи бу һәқтики йазма байанатида, естонийәниң 24-март русийәниң бир дипломатини «қарши елинмайдиған киши» дәп елан қилғанлиқи хатирилитилди.
байанатта, естонийәниң қарариниң «асассиз» икәнлики вә москва әлчиханисиниң мәслиһәтчиси йана ванамелдерниң министирлиққа чақиртилғанлиқи, москвадики естонийә әлчиханисида охшаш сәвийәдики бир дипломатниң охшаш вақитта русийә земинидин чиқип кетиши керәкликиниң билдүрүлгәнлики қәйт қилинди.
естонийә һөкүмитиниң русийәгә қарши иғвагәрчилик қилғанлиқи вә буниңға қарши башқа қәдәмләрниңму ташлинидиғанлиқи байан қилинған байанатта, икки дөләт мунасивәтлириниң начарлишишиға таллинниң мәсул икәнлики тәкитләнди.
естонийә ташқи ишлар министирлиқи 1-айниң 11-күни русийәдин бу дөләттики дипломатик хадимларниң санини 2-айниң 1-күнигичә 8 гә қисқартишни тәләп қилған иди.
русийә ташқи ишлар министирлиқи буниңға қарита естонийәниң москвада турушлуқ баш әлчиси маргус лайдрениң 23-йанвар чеградин чиқип кетишини тәләп қилған иди.
русийә 2022-йилиму естонийәниң петербургдики консули март латтени «мәхпий учур билән тәминлигәнлики» үчүн қолға елип, чеградин қоғлап чиқарған иди.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.
