мадуро америка наразилиқ билдүрди

түркийә авази радийоси хәвири: мадуро венезуела дөләт телевизийәсиниң зийаритини қобул қилип, венезуелани америкаға нисбәтән дөләт тәһдити дәп көрсәткән пәрманниң имзалинишини қәтий рәт қилидиғанлиқини ейтти.

венезуеланиң дөләт болуш сүпити билән иқтисадий җазалар үстидин ғалиб кәлгәнликини билдүргән мадуро: «җо байдин һөкүмити венезуелани американиң дөләт бихәтәрликигә пәвқуладдә тәһдит дәп җакарлиған қарарнамәни сәккизинчи қетим имзалиди» деди.

маруро мәзкур қарарнамәниң тунҗи қетим американиң сабиқ пирезиденти барак обама тәрипидин имзаланғанлиқини әсләп: «бу рәзил пәрманниң чиқирилғиниға сәккиз йил болди. венезуела бир гәвдиләшкән ишчилар синипи билән бирликтә алға илгириләватиду, җаза вә қамални битчит қиливатиду. у җаһангирликкә вә униң нурғун қарарнамәлиригә дуч кәлди. (венезуела) уларни мәғлуп қилиду» деди.

йәнә бир тәрәптин, мадуро 2013-йили 3-айниң 5-күни вапат болған венезуеланиң сабиқ пирезиденти хуго чавезни әсләп: «10 йилдин кейин шуни дейәләймәнки, һөрмәтлик қоманданимиз чавез бизниң қиливатқан күрәшлиримиз вә урушлиримиздин бир ләһзиму чүшүп қалмиди» деди.