yaponiyede oqughuchilarning özini öltürüwélish nisbiti körünerlik derijide éship ketti
yaponiyede özini öltürüwalghan oqughuchilar sani 2022- yili tarixidiki eng yuqiri chekke yetti.
türkiye awazi radiyosi xewiri: yaponiye maarip, medeniyet, tenterbiye we pen- téxnika ministirliqi 2022- yili özini öltürüwalghan oqughuchilar sanini élan qildi.
ministirliqning sanliq melumatigha asaslanghanda, ötken yili yaponiye miqyasidiki özini öltürüwalghan oqughuchilar sanining aldinqi yiligha sélishturghanda %39 éship 512 ge yetken.
bashqiche qilip éytqanda, 2022 - yilidiki oqughuchilarning özini öltürüwélish nisbiti, arxip turush bashlanghan 1980 – yilidin buyanqi eng yuqiri chekke yetken.
2022 – yili yaponiyede 17 nepiri bashlanghuch, 143 nepiri toluqsiz, 352 nepiri toluq ottura mektep oqughuchisi bolup jemiy 512 oqughuchi özini öltürüwalghan.
oqughuchilarning özini öltürüwélish ehwalliri 2022 – yilining altinchi we toqquzinchi aylirida eng köp yüz bergen bolup, tertipi boyiche altinchi ayda 60, toqquzinchi ayda 57 oqughuchi özini öltürüwalghan.
