italiyede köchmenler kémisi chöküp kétip 59 kishi jénidin ayrildi
italiyening krotoné shehiridiki déngiz sahillirida köchmenler kémisining chöküp kétishi netijiside qaza qilghanlar sani 59 gha yetti.
türkiye awazi radiyosi xewiri: tünügün (26-féwral) italiyening jenubigha jaylashqan krononé shehiridiki déngiz sahillirida köchmenler kémisi chöküp ketti.
weqede jénidin ayrilghanlarning sani 59 gha yetti, 80 kishi qutquzuwélindi.
italiye taratqulirining xewer qilishiche, kéme chöküp kétish weqeside jénidin ayrilghanlar arisida balilarmu bar bolup, qutquzuwélinghanlardin ehwali éghir bolghan bir kishi bilen qoshulup jemiy 21 kishi doxturxanida dawalanmaqta iken.
birleshken döletler teshkilati bash katipi antonyo gutérés ammiwi ortaqlishish tor béti Twitter sehipiside bu heqte élan qilghan bayanatida, mundaq dédi: «yene bir dehshetlik paraxot chöküp kétish weqesi yüz berdi. bu qétim italiye déngiz sahillirida yüz bergen weqede balilarnimu öz ichige alghan on nechche kishi jénidinayrildi. men yene bir qétim shundaq deymenki: güzel turmush izdewatqanlar bixeterlikke mohtaj, izzet-hörmetke layiq. köchmenler we musapirlar üchün bixeter, qanuniy yollargha éhtiyajliqmiz.»
