италийәдә көчмәнләр кемиси чөкүп кетип 59 киши җенидин айрилди
италийәниң кротоне шәһиридики деңиз саһиллирида көчмәнләр кемисиниң чөкүп кетиши нәтиҗисидә қаза қилғанлар сани 59 ға йәтти.
түркийә авази радийоси хәвири: түнүгүн (26-феврал) италийәниң җәнубиға җайлашқан крононе шәһиридики деңиз саһиллирида көчмәнләр кемиси чөкүп кәтти.
вәқәдә җенидин айрилғанларниң сани 59 ға йәтти, 80 киши қутқузувелинди.
италийә таратқулириниң хәвәр қилишичә, кемә чөкүп кетиш вәқәсидә җенидин айрилғанлар арисида балиларму бар болуп, қутқузувелинғанлардин әһвали еғир болған бир киши билән қошулуп җәмий 21 киши дохтурханида даваланмақта икән.
бирләшкән дөләтләр тәшкилати баш катипи антонйо гутерес аммиви ортақлишиш тор бети Twitter сәһиписидә бу һәқтә елан қилған байанатида, мундақ деди: «йәнә бир дәһшәтлик парахот чөкүп кетиш вәқәси йүз бәрди. бу қетим италийә деңиз саһиллирида йүз бәргән вәқәдә балиларниму өз ичигә алған он нәччә киши җенидинайрилди. мән йәнә бир қетим шундақ дәймәнки: гүзәл турмуш издәватқанлар бихәтәрликкә моһтаҗ, иззәт-һөрмәткә лайиқ. көчмәнләр вә мусапирлар үчүн бихәтәр, қануний йолларға еһтийаҗлиқмиз.»
