макронға наразилиқ билдүргән намайишчи қоғдиғучилар тәрипидин чечидин тутуп йәрдә сөрәлди
фирансийә пирезиденти еммануел макрон хәлқара деһқанчилиқ йәрмәнкисидә бир намайишчиниң нарзилиқиға учрап, малиманчилиқ йүз бәрди.
түркийә авази радийоси хәвири: еммануел макронниң қоғдиғучилири айал намайишчини чечидин тутуп йәрдә сөриди.
еммануел макрон түнүгүн (26-феврал) хәлқара деһқанчилиқ йәрмәнкисигә қатнашқан вә йәрмәнкидә: «мән җапалиқ ишләватқан деһқанлиримизни қоллаш үчүн бу йәргә кәлдим» дегән иди.
бу җәрйанда килимат өзгириши вә пенсийә ислаһати пиланиға наразилиқ билдүрмәкчи болған бир намайишчи президент макронниң алдида сәкриди.
макронниң қоғдиғучилири айал намайишчини тости вә чечидин тутуп йәрдә сөригәнчә залдин чиқарди.
фирансийәдә узун мәзгилдин буйан наразилиқ билдүрүлүватқан талаш-тартишлиқ пенсийә қануниға асасән, сентәбирдин башлап пенсийә йеши һәр йили тәдриҗий өстүрүлүп, 2027 - йили 63 йаш 3 айға вә 2030 - йили 64 йашқа чиқирилиду.
фирансийәдә пенсийәгә чиқиш үчүн, 2027 – йилдин етибарән 43 йил ишләшкә тоғра келиду. фирансийәдә әслидә пенсийә йеши 62 йаш болуп, ғәрбий йавропадики башқа нурғун дөләтләргә қариғанда төвән һесаблиниду.
пенсийә йеши испанийәдә 65, әнглийәдә 66 йаш болуп, италийә вә германийәму67 гә чиқиришни пиланлимақта.
