amérika apetke uchrighanlargha qiliniwatqan yardemlerning dawamlishidighanliqiqni bildürdi

türkiye awazi radiyosi xewiri: amérika tashqi ishlar ministirliqi 6-féwral (2023) türkiyede yer tewresh apitining tesirige uchrighanlargha qiliniwatqan yardemlerning dawamlishidighanliqi toghrisida bayanat élan qildi.

bayanatta: «amérika bilen türkiye shimaliy atlantik ehdi teshkilatigha eza we uzun muddetlik shérik döletler hésablinidu. biz kirizis mezgilide, rayon xewpsizliki we parawanliq mesiliside birlikte xizmet qilishning iptixarliq ötmüshige ige. 6-féwralda yüz bergen 7.7 we 7.6 bal yer tewershlerning tesirige uchrighanlargha qiliniwatqan yardemler dawamlishidu» déyildi.

bayanatta, amérika-türkiye munasiwetlirining «chongqur dostluq» qa tayinidighanliqi, ikki döletning osman impériyesi mezgilide 1831-yiligha tayanghan diplomatik tarixi, jumhuriyet qurulghandin kéyin «1947-yiki 12-iyul imzalanghan iqtisadiy we téxnika hemkarliq kélishimi» bilen özara munasiwetlerning téximu tereqqiy qilghanliqi qeyt qilindi.

bayanatta, 1952-yildin tartip nato ezasi bolghan türkiyening, afghanistan, iraq we balqan rayonini öz ichige alghan dunyaning her qaysi jayliridiki heriketlerni qollighanliqi eskertildi.

bayanatta, ikki dölet otturisida bir mezgil ijra qilinghan amérika-türkiye istratégiyelik méxanizmigha orun ajritildi.

bu heqte mundaq déyildi:

«18-yanwar (2023) amérika tashqi ishlar ministiri antoni blinkén we türkiye tashqi ishlar ministiri mewlüt chawushoghlu tötinchi qétim körüshti. ikki rehber türkiye hawa armiyesini zamaniwilashturush we amérika-türkiye mudapie hemkarliqini kücheytish mesililirini muzakire qildi.»