биразилийәдә йүз бәргән тағ гүмүрүлүп чүшүш вәқәсидә 35 киши қаза қилди

түркийә авази радийоси хәвири: биразилийә сан павло өлкә мәсуллири тәрипидин елан қилинған байанатта, апәттә йәттә йашлиқ бир кичик балини қошқанда, кәм дегәндә 35 кишиниң қаза қилғанлиқи билдүрүлди.

издәш вә қутқузуш әтрәтлириниң райондики хизмәтлирини давамлаштуруватқанлиқи, йәнә бир тәрәптин тақилип қалған йолларниң қайтидин ечиливатқанлиқи уқтурулди.

қаттиқ йамғур кәлтүрүп чиқарған тағ гүмүрүлүп чүшүш вәқәси сәвәбидин сан себастийав, убатуба, илһабела вә бертийогада рио карнивал байрими даирисидә өткүзүлмәкчи болған тәбрикләш паалийәтлири әмәлдин қалдурулди.

шәһәр башлиқи фелипе августо сан себастийавда нурғун кишиниң ғайиб болғанлиқини, 50 дин артуқ өйниң өрүлүп чүшкәнликини билдүрүп: «қутқузуш әтритимиз бир қанчә районға баралмайватиду, бу интайин мурәккәп вәзийәт» деди.