jo baydin ukrainagha F-16 urush ayropilani bérilmeydighanliqini éytti

türkiye awazi radiyosi xewiri: pirézidént jo baydin marilandtiki ziyaritidin kéyin washingitongha qaytip keldi we aqsarayda bir muxbirning «amérika ukrainagha F-16 urush ayropilani béremdu?» dégen soaligha, «yaq» dep jawab berdi.

pirézidént baydin yene, rusiye-ukraina urushining xatire yilida yawropada ziyarette bolidighan yaki bolmaydighanliqi toghrisidiki soalghimu jawab bérip,  «éniq emes» dédi.

yene bir tereptin, polshada ziyarette bolidighanliqini bildürgen baydin, ziyaretning qachan bolidighanliqini hazirche bilmeydighanliqini éytti.

rusiye-ukraina urushining xatire küni bolghan 24-féwralda amérika pirézidénti baydinning ukrainada ziyarette bolidighanliqigha dair xewerler küntertipke kelgen bolup, aqsaray bayanatchisi karin zhan pyér baydénning u künde sayahet pilani yoqluqigha dair uchurni hembehirligen idi.