непалда йолучилар айропилани чүшүп кәтти

түркийә авази радийоси хәвири: «катманду почтиси гезити» ниң хәвиридә, пайтәхт катмандудин похараға бериш үчүн һаваға көтүрүлгән <йәти авиатсийә ширкити> гә тәвә «ATR 72» типлиқ йолучилар айропиланиниң сети дәрйаси вадисиға йеқин җайға чүшүп кәткәнлики билдүрүлди.

ширкәт байанатчиси сударшан бартала айропиланда 68 йолучи вә 4 хадимниң барлиқини билдүрди.

сударшан бартала йолучилар ичидә 10 чәтәл пуқраси вә 2 бовақниңму барлиқини ейтти.

непал дөләт телевизийиси вәқә йүз бәргән җайдин бир қисим кишиләрниң җәсәтлириниң чиқирилғанлиқини хәвәр қилди. непал армийәси вәқәдә кәм дегәндә 16 кишиниң қаза қилғанлиқини ейтти.

издәш вә қутқузуш хизмәтлири давамлашмақта. вәқәдин кейин непал баш министири пушпа камал дахал менистирлар кабинетини җиддий йиғинға чақирди.

пушпа камал дахал бихәтәрлик қисимлири вә аммидин райондики қутқузуш хизмәтлиригә йардәмчи болушни тәләп қилди.